Transcription
1
Reçue à Grenoble, le 25 janvier 1573. Répondue le 26 janvier 1573.
2
Monsieur, puisque après avoir particippé en la mauvaise nouvelle du feu sieur Ludovic
3
mon frère, vous vous estes condollu avec moy par votre lettre du IXme du present
4
de la perte que nous avons faicte en luy, il ma semblé vous devoir aussi
5
participper celle que jay ces jours receue ayant pleu au roy que jaye
6
succedé en la charge quavoit mondit frère de lieutenant general de sa majesté
7
pardeça et faire eslection de moy, m’asseurant que pour nous avoir
8
tousiours esté à lun et à lautre bon et bien affectionné amy, si vous
9
avez receu fascherie et desplaisir de lune, que vous recevrez par le
10
contraire joye et plaisir de lautre. Partant, monsieur desirant
11
ainsi comme jay succedé en ladite charge de succeder aussi es obligations, particullierement
12
à celles que mondit feu frère vous avoit, pour les continuelles
13
demonstrations que luy avez faictes de votre affection et bonne volunté
14
et icelles mettre avec les autres que je vous ay pour mesmes causes en ma
15
part, je vous veulx supplier (comme je fais) bien affectueusement que
16
vous vueilliez faire estat davoir toutte puissance sur moy, et croyre que je
17
nay et nauray jamais bien en ce monde dont vous ne puissiez disposer
18
comme de chose votre ; donques vous me continuerez, sil vous plaist, au nombre
19
de voz plus affectionnez et intimes amys, et me commanderez où vous
20
congnoistrez que je vous pourray faire service avec asseurance que me
21
trouverez tousiours plein de bonne volunté et affection pour vous obéir,
22
comme vous rendront plus acertainé tesmoignage les effectz ausquelz je
23
me remettray ; et estant votre bon plaisir de me participper aux occasions
24
des nouvelles qui surviendront de votre cousté, je ne fauldray vous faire le
25
semblable de celles dedeça. Surce, je me recommanderay bien affectueusement
26
à votre bonne grace, priant le Createur quil vous doint,
27
monsieur, en santé bonne, longue et contente vie. De Saluces,
28
le XXIIme jour de janvier 1573.
29
Votre plus affectionné à vous
30
faire service
31
Carolo Birago